मंत्रालयात राज्य आपत्ती प्रतिसाद दलाचे चित्तथरारक प्रात्यक्षिके

आपत्ती काळात मदतीसाठी राज्याचे आपत्ती प्रतिसाद दल सज्ज - चंद्रकांत पाटील

- जागतिक आपत्ती निवारण दिनानिमित्त प्रदर्शनाचे आयोजन

- एसडीआरएफसाठीच्या वाहनांचे मदत व पुनर्वसन मंत्र्यांच्या हस्ते लोकार्पण

- महाराष्ट्र राज्य आपत्ती व्यवस्थापन प्राधिकरणाच्या लोगोचे अनावरण

मुंबई ( १२ ऑक्टोबर ) : जागतिक आपत्ती निवारण व व्यवस्थापन दिनानिमित्त मंत्रालयातील त्रिमूर्ती प्रांगणात आयोजित प्रदर्शनाचे व महाराष्ट्र राज्य आपत्ती व्यवस्थापन प्राधिकरणाच्या लोगोचे अनावरण मदत व पुनर्वसन मंत्री चंद्रकांत पाटील यांच्या हस्ते आज एका विशेष समारंभात झाले. यावेळी राज्य आपत्ती प्रतिसाद दलाने (एसडीआरएफ) केलेल्या रेस्क्यू ऑपरेशनच्या चित्तथरारक प्रात्यक्षिकांनी उपस्थितांना अचंबित केले.

राज्याचे आपत्ती प्रतिसाद दल राष्ट्रीय आपत्ती निवारण दलाच्या धर्तीवर सक्षम करण्यात येत असून कुठल्याही आपत्तीच्या निवारणासाठी हे दल सज्ज असल्याचे यावेळी पाटील यांनी सांगितले.

आपत्ती येऊ नये, यासाठी सतर्क होणे राहणे गरजेचे आहे. त्यासाठी जनजागृतीवर भर देण्याची गरज आहे. यासाठी आपत्ती निवारण जागृती सप्ताहात लोकांचे प्रबोधन करण्यात येत आहे. नैसर्गिक अथवा इतर आपत्ती आल्यास निवारणासाठी राज्य शासनाचा मदत व पुनर्वसन विभाग सक्षम आहे. या विभागाच्या अंतर्गत असलेल्या राज्य आपत्ती प्रतिसाद दलाला राष्ट्रीय आपत्ती प्रतिसाद दलाप्रमाणे आधुनिक उपकरणांनीयुक्त सक्षम करण्यात येत आहे. तसेच या दलासाठी सुसज्ज रुग्णवाहिका, वाहने उपलब्ध करून देण्यात आली आहेत. त्यामुळे आता कोणत्याही आपत्तीला तोंड देण्याची तयारी या दलाकडे आहे, असे पाटील यांनी सांगितले.

13 ऑक्टोबर या जागतिक आपत्ती निवारण दिनानिमित्त राज्यात 9 ते 13 ऑक्टोबर या कालावधीत आपत्ती व्यवस्थापन व निवारण सप्ताह आयोजित करण्यात आला आहे. या सप्ताहानिमित्त आपत्ती व्यवस्थापन संदर्भातील प्रदर्शनाचे आयोजन करण्यात आले. या प्रदर्शनात आपत्ती काळात उपयोगी असणाऱ्या विविध सामग्री ठेवण्यात आल्या आहेत. तसेच आपत्ती काळात घ्यावयाची काळजी यासंबंधी लोकांचे प्रबोधन व्हावे, यासाठी पथनाट्यांचे आयोजनही करण्यात आले आहे. पथनाट्य व प्रदर्शन उद्यापर्यंत आहे. यावेळी राज्य आपत्ती प्रतिसाद दलाला देण्यात आलेल्या 28 नव्या वाहनांचे लोकार्पणही पाटील यांच्या हस्ते झाले.

यावेळी गृह विभागाचे अपर मुख्य सचिव सुधीर श्रीवास्तव, मदत व पुनर्वसन विभागाचे अपर मुख्य सचिव मेधा गाडगीळ, पोलीस महासंचालक सतीश माथूर, मुख्य सचिवांचे सहसचिव सूरज मांढरे, राज्य राखीव पोलीस दलाचे अपर पोलीस महासंचालक संदीप बिष्णोई, विशेष पोलीस महानिरीक्षक प्रकाश मुत्याल आदी
उपस्थित होते.

महाराष्ट्र आपत्ती प्रतिसाद दलाच्या जवानांनी आपत्ती काळात उंच इमारतीमधून नागरिकांची कशी सुटका करायची, प्राथमिक वैद्यकीय मदत तातडीने कशाप्रकारे द्यायचे, उंच इमारतीत दोरीच्या सहाय्याने कसे जायचे आदींचे प्रात्यक्षिक दाखविले. मंत्रालयात उपस्थित अधिकारी, कर्मचाऱ्यांनी या प्रात्यक्षिकांना उत्फूर्त प्रतिसाद दिला.
Ετικέτες

टिप्पणी पोस्ट करा

[facebook][blogger]

संपर्क फॉर्म

नाव

ईमेल *

मेसेज *

Blogger द्वारा समर्थित.
Javascript DisablePlease Enable Javascript To See All Widget