जागतिक आरोग्‍य संघटना आणि भारत सरकार यांनी सन २०३० पर्यंत देशातून क्षयरोग निर्मूलन करण्‍याचे उद्दि‍ष्ट जाहिर केले असून या पार्श्‍वभूमीवर काल सभागृहाचे कामकाज सुरु होताच महापौरांनी नगरसेवकांना क्षयरोगाचे उच्‍चाटन करण्‍यासाठी शपथ दिली. यामध्‍ये क्षयरोग मुक्‍त मुंबई व भारतासाठी मी प्रतिज्ञाबध्‍द आहे. क्षयरोग नियंत्रण व संपुष्‍टात आणण्‍यास मी (बृहन्‍मुंबई महानगरपालिकेच्‍या कार्यक्रमात ) वचनबध्‍द आहे. मुंबईतील क्षयरोगाच्‍या वाढत्‍या प्रादुर्भावाला आटोक्‍यात आणण्‍यासाठी माझ्या प्रभागात मी व माझे कार्यकर्ते क्षयरोग कार्यक्रमाअंतर्गत चाललेल्‍या उपक्रमात कार्यशील राहीन. क्षयरुग्‍ण आणि त्‍यांच्‍या कुंटुंबियांना मानसिक व सामाजिक पाठींबा मिळविण्‍याकरीता सर्वतो प्रयत्‍न करीन. समाजात असणारे क्षयरोग विषयी गैरसमज व समाजात क्षयरुग्‍णांशी होणारे भेदभाव दुर करण्‍यास सक्रीय राहीन. मी व माझे कार्यकर्ते क्षयरोगाविषयी जनजागृती कार्यक्रमांना उपस्थित राहून माझ्या प्रभागात जनजागृती करेन. माझ्या प्रभागातील औषधे चूकवणाऱया रुग्‍णांची अडचण समजावून त्‍यास औषधपचार पूर्ण करण्‍यास प्रोत्‍साहीत करीन. आम्‍ही सर्व एकजुटीने क्षयरोगावर मात करण्‍यास मुंबईकरांना प्रतिज्ञाबध्‍द होण्‍यास आवाहन करतो, अशी शपथ यावेळी नगरसेवकांनी घेतली.
टिप्पणी पोस्ट करा