सहभागी व्यक्ती, कर्मचाऱ्यांनाही दोषी धरणार दूध भेसळ : दूध उत्पादक संस्थेवर कारवाई - जयकुमार रावल

मुंबई ( २८ जून २०१९ ) : दूध हा जनतेच्या आहारातील महत्त्वाचा अन्नघटक आहे. दूध भेसळीत प्रत्यक्ष व अप्रत्यक्षपणे सहभाग असलेल्या व्यक्ती, दूध उत्पादक संस्था यांच्या विरोधात कडक कारवाई करण्यात यावी, अशा सूचना अन्न व औषध प्रशासन मंत्री जयकुमार रावल यांनी आज विभागाच्या अधिकाऱ्यांना दिल्या. दूध भेसळीस सहकार्य करणाऱ्या किंवा कार्यवाही करण्यास टाळाटाळ करणाऱ्या अधिकारी, कर्मचाऱ्यांविरोधातही कडक कारवाई करण्यात येईल, असेही त्यांनी यावेळी सांगितले.

आज राज्यातील दूध स्थितीबाबत माहिती घेण्यासाठी अन्न प्रशासन विभागाच्या अधिकाऱ्यांबरोबर विधानभवनातील दालनात बैठक आयोजित करण्यात आली होती, त्या बैठकीत रावल बोलत होते.

यावेळी अन्न व औषध प्रशासन विभागाचे सहआयुक्त (अन्न) पवार, सहआयुक्त देसाई यांनी राज्यातील दूध भेसळीबाबत प्रशासनाने केलेली कार्यवाही व भेसळ रोखण्याबाबत केलेल्या उपाययोजना याबाबत माहिती दिली. एप्रिल 2018 ते मार्च 2019 या कालावधीत राज्यात 832 नमुने घेण्यात आले. त्या पैकी 546 नमुने प्रमाणित घोषित झाले असून 176 नमुने कमी दर्जाचे व 4 नमुने मिथ्याछाप घोषित करण्यात आले आहेत. उर्वरित 106 नामुन्यांचे अहवाल प्रलंबित असल्याची माहिती या वेळी अधिकाऱ्यांनी दिली.

या वेळी अधिकाऱ्यांना निर्देशित करताना रावल म्हणाले, दूध हा सर्व जनतेच्या आहारातील सर्वाधिक महत्वाचा अन्नपदार्थ असून दुधाच्या गुणवत्तेबाबत कुठल्याही प्रकारचे दुर्लक्ष होऊ नये. दूध भेसळीस सहकार्य करणाऱ्या किंवा कार्यवाही करण्यास टाळाटाळ करणाऱ्या अधिकाऱ्यांविरोधातही कडक कार्यवाही करण्यात येईल. दूध उत्पादकांची बैठक घेऊन त्यांना पुरवठा साखळीबाबत सतर्क करणे, दुधाच्या शुध्दतेबाबत जनजागृती करणे, जागेवरच खाद्यपदार्थांचे नमुने तपासण्यासाठी मोबाईल टेस्टिंग व्हॅन सुरू करणे व या कामासाठी अधिकचे मनुष्यबळ निर्माण करणे आदी उपाययोजना करण्याच्या सूचना त्यांनी यावेळी अधिकाऱ्यांना दिल्या.
Ετικέτες

टिप्पणी पोस्ट करा

[facebook][blogger]

संपर्क फॉर्म

नाव

ईमेल *

मेसेज *

Blogger द्वारा समर्थित.
Javascript DisablePlease Enable Javascript To See All Widget