आज विधानसभेत राज्यात बेकायदेशीरपणे सुरू असलेल्या पॅथॉलॉजी लॅब संदर्भात सदस्य सुनील प्रभू यांनी लक्षवेधी मांडली होती. त्यास उत्तर देताना रविंद्र चव्हाण बोलत होते.
चव्हाण म्हणाले, वैद्यकीय व्यावसायिकांविरूद्ध तक्रारीची चौकशी करून दोषी वैद्यकीय व्यवसायीकांना शिक्षा देण्याचे अधिकार महाराष्ट्र वैद्यकीय परिषदेला आहेत. त्यानुसार संबंधित बेकायदेशीर लॅबवर कारवाई करण्यात येत आहे. शासनाने महाराष्ट्र पॅरावैद्यक व्यवसायींची नोंदणी, नोंदणीकृत पॅरावैद्यकीय व्यावसायाविषयक वर्तवणूकीचे विनियम, त्यांचे विरूद्ध निलंबन अथवा शिस्तभंगाची कारवाई करणे तसेच अनधिकृत लॅब धारकांविरूद्ध कठोर कारवाई करणे शासनास शक्य होणार आहे. शासकीय पॅथॉलॉजी लॅबमधील रिक्त जागा भरण्यात येतील. तसेच, अत्याधुनिक तंत्रज्ञानाचा वापर पॅथॉलॉजी लॅबमध्ये करण्यात येईल अशी माहितीही चव्हाण यांनी दिली.
टिप्पणी पोस्ट करा